Sunday 2 September 2012

ട്രെയിനിംഗ്...

                                                           ട്രെയിനിംഗ്


നേരം പുലര്‍ന്നു വരുന്നതേ ഉള്ളു ..പുറത്തു നല്ല മഞ്ഞ്.വഴിയോരത്തെ മരങ്ങള്‍ എല്ലാം ആ തണുപ്പില്‍ ലയിച്ചു നില്‍ക്കുന്നു ..വിനോദ് കൈകള്‍ കൂടി തിരുമി കവിളില്‍ വച്ച് പുറത്തേക്കു നോക്കി ഇരുന്നു ..ബസിന്‍റെ വേഗതക്കനുസരിച്ച് കാഴ്ചകള്‍ പുറകോട്ടു ഓടി കൊണ്ടിരുന്നു .എങ്ങനെ  തനിക്ക് അങ്ങനെ ഒക്കെ ചെയ്യാന്‍ തോന്നി ??.മനസ്സില്‍ ആഗ്രഹിക്കാത്ത ഒരു കാര്യത്തിലേക്ക് പോയി വീഴുക ആയിരുന്നു ..അതിനെ കുറിച്ച് ഓര്‍ക്കുന്തോറും വിനോദിന്‍റെ മനസ് കഴുത്ത് അറുത്ത കോഴിയെ പോലെ പിടഞ്ഞു .

ഇത് പോലുള്ള അവസരങ്ങള്‍ മുന്‍പും വന്നിടുണ്ട് ..അന്നൊക്കെ അതില്‍ നിന്ന് ഒഴിഞ്ഞു മാറിയതായിരുന്നു ..പക്ഷെ ഇന്നലെ ...ഒരു പുതു ജീവിതത്തിലേക്കുള്ള യാത്ര       അതിനു സുഹൃത്തുക്കളായ

ബഷീറിനെയും തോമസിനെയും ക്ഷണിക്കാനായി പോയതായിരുന്നു ടൌണിലേക്ക് .ടൌണിലെ അവരുടെ ഹോട്ടലില്‍ പലപ്പോഴും പോയി
പാര്‍ത്തിടുള്ളതാണ്..രണ്ടു പേരും വിവാഹം ഒക്കെ കഴിഞ്ഞതാനെകിലും ഇപ്പോഴും പഴയ എന്ജോയെമെന്റില്‍ തല്പരര്‍ ആണ് ."അപ്പൊ നീയും ആ സാഹസം ചെയ്യാന്‍ തീരുമാനിച്ചു അല്ലെ ..നന്നായി ..ഇനി ഇപ്പൊ നാളെ അല്ലെ മടക്കം ഉള്ളു ബഷീര്‍ ചോദിച്ചു ..അതെ ..അല്ലെങ്കില്‍ പിന്നെ ഞാന്‍ ഈ നേരത്ത് ഇവിടെ വരുമോ ..വിനോദ് പാന്‍റ് മാറി വെള്ള മുണ്ടുടുത്തു..കട്ടിലിലേക്ക് ചാഞ്ഞു ..മുറിയില്‍ മദ്യപിച്ചു കൊണ്ടിരിക്കുമ്പോള്‍ തോമസ്‌ ആണ് ആദ്യം വെടി പൊട്ടിച്ചത് ."ഇവന് നമ്മള്‍ ഒരു ട്രെയിനിംഗ് കൊടുക്കേണ്ടതല്ലേ ബഷീറേ..വേണം ..ഞാന്‍ അത് പറയാന്‍ തുടങ്ങുവായിരുന്നു .ഇന്ന് പൊട്ടിക്കണം ഇവന്റെ ബ്രഹ്മചര്യത്തിന്റെ പൂണ്‌ല്.അല്ലേല്‍ നമുക്കാണ് നാണക്കേട്‌ ."ബഷീര്‍ പാത്രത്തില്‍ ഇരുന്ന അച്ചാര്‍ എടുത്തു നാക്കില്‍  വച്ചു.

മേശപ്പുറത്തു  ഇരുന്ന ഫോണ്‍ എടുത്തു തോമസ്‌ ആരെയോക്കയോ വിളിച്ചു ..സന്തോഷത്തോടെ ബഷീറിനെയും വിനോദിനെയും നോക്കിയിട്ട് ..ഇവന്റെ സമയം ..ലത ഉണ്ട് ഇപ്പൊ ഇവിടെ ഞാന്‍ വരാന്‍  പറഞ്ഞിട്ടുണ്ട് .ബഷീര്‍ ഒന്ന് പുഞ്ചിരിച്ചു..അവള്‍ മതി ..ഇവനെ എല്ലാം പഠിപ്പിച്ചു കൊടുത്തോളും  .കയ്യിലിരുന്ന മദ്യം ഒറ്റ വലിക്കു അകത്താകി ബഷീര്‍ ഗ്ലാസ്‌ താഴെ വച്ചു .ഞാന്‍ ഇല്ല ഇതിനൊന്നും .വിനോദ് ഒഴിഞ്ഞു മാറാന്‍ നോക്കി ..നീ ഇത് കൂടി അങ്ങ് അടിച്ചേ എന്നിട്ട് ഒന്ന് ആലോചിച്ചേ ..തോമസ്‌ അവന്റെ ഗ്ലാസ്സിലേക്ക്‌ വീണ്ടും മദ്യം നിറച്ചു.ഇപ്പൊ താല്പര്യം ഇല്ലേ ?വിനോദ് ചിരിച്ചു .. ഉണ്ട് ..അവന്‍ ഉറക്കെ പറഞ്ഞു ..മൂന്ന് പേരുടെയും പൊട്ടി ചിരി മുറിയെ വിറപ്പിച്ചു .ക്ലോക്കിലെ സൂചികള്‍ എന്തോ തിരക്ക് ഉള്ളത് പോലെ ഓടികൊണ്ടിരുന്നു .


അവള് 202
- ല്‍ ഉണ്ട് ..ഫോണ്‍ കട്ട്‌ ചെയ്തു കൊണ്ട് ബഷീര്‍ പറഞ്ഞു .നീ അങ്ങ് ചെല്ല് എല്ലാം അവള്‍ പഠിപ്പിച്ചു തരും ...അല്ലെടാ തോമസേ ..പിന്നല്ല .ഞങ്ങളൊക്കെ എത്ര വട്ടം പോയിരിക്കുന്നു  ..പാതി മയങ്ങിയ കണ്ണുകള്‍ എങ്ങനയോ 202 ല്‍ എത്തി .മുറിയില്‍ ചെറിയ പ്രകാശം മാത്രം .മനസ്സില്‍ വിചാരിച്ചിരുന്ന ഒരു രൂപം അല്ല ലതക്ക് .. 

സുന്ദരി .നെറ്റിയിലെ വട്ട പൊട്ടിനു എന്തോ ഒരു ആകര്‍ഷണ ശക്തി ഉണ്ട് .സുമിത്രയെക്കള്‍ സുന്ദരി ആണ് ഇവള്‍ ..എന്തിനാണ് ഇവള്‍ ഈ പണിക്കു ഇറങ്ങിയത്‌ ? എന്തിനാണ് ഞാന്‍ ഇതൊക്കെ ആലോചിക്കുനത് .വിനോദ് സ്വയം ചോദിച്ചു .അവന്റെ കൈകള്‍ അവളുടെ കഴുത്തില്‍ മൃദുവായി തലോടി .അവളുടെ മുഖത്ത് യാതൊരു ഭാവ വിത്യാസവും ഉണ്ടായില്ല .

സാറിന്‍റെ കല്യാണം ആണല്ലേ ?ആ ചോദ്യം അവന്‍ ഒരിക്കലും പ്രതീക്ഷിച്ചില്ല .വിനോദ് കൈകള്‍ പിന്‍വലിച്ചു .ആര് പറഞ്ഞു ? അവന്‍ ചോദിച്ചു ..തോമസ്‌ സാര്‍ പറഞ്ഞു .ഇത് സാറിനു ഒരു ട്രെയിനിംഗ് ആണ് എന്ന് ..ഇത് പറയുമ്പോള്‍ അവളുടെ കണ്ണില്‍  കൂടി ഓടി മറഞ്ഞത് എന്താണ് ? മുറിയില്‍ തളം കെട്ടി നിന്നിരുന്ന മൗനം കീറി മുറിച്ചു കൊണ്ട് വീണ്ടും അവള്‍ സംസാരിക്കാന്‍ തുടങ്ങി .സാറിനൊക്കെ ഇത് കുറച്ചു നേരത്തെ സമയം പോക്കാണ് അല്ലെ ?എന്നെ പോലുള്ളവരുടെ
മാനസികാവസ്ഥയെ കുറിച്ച് നിങ്ങള്‍ എന്നെങ്കിലും ആലോചിച്ചിടുണ്ടോ?അവള്‍ ചോദിച്ചു. നീ പിന്നെ എന്തിനാ ഈ പണിക്കു വന്നത് .വന്നിട്ട് വേദാന്തം ഒന്നും പറയാന്‍ നില്ക്കണ്ടാ .അവന്‍ ദേഷ്യത്തോടെ തിരിച്ചു ചോദിച്ചു .അത് അവള്‍ക്കു കൊണ്ടു എന്ന് അവനു മനസിലായി ..ജഗില്‍ ഇരുന്ന വെള്ളം എടുത്തു കുടിച്ചു കൊണ്ടിരുന്നപ്പോള്‍ അവള്‍ പറഞ്ഞു പണം !!!.അതിനു മാത്രം ..അതില്ലാതെ ഈ ലോകത്ത് ആര്‍ക്കെങ്കിലും നില നില്‍പ്പുണ്ടോ ?..ഞാന്‍ ആഗ്രഹിച്ചത്‌ ഏത് ഒരു പെണ്‍കുട്ടിയെയും പോലെ ഒരു കുടുംബ ജീവിതം ആണ് ..വന്നെത്തിയത് ഇവിടെ ..!!അവളുടെ സംസാരം മുറിഞ്ഞു .എന്‍റെ വിശുദ്ധി പൊതിഞ്ഞു പിടിച്ചിരുന്നാല്‍ ജീവിതം മുന്നോട്ട് പോക്കില്ല എന്ന് മനസിലാകിയ ഒരു ചുറ്റുപാടില്‍ ആണ് ഞാന്‍ ഇതിലേക്ക് തിരിഞ്ഞത് .സ്നേഹിച്ച പുരുഷന്റെ കൂടെ ജീവിക്കാന്‍ വേണ്ടി വീടുകാരെ ഉപേക്ഷിച്ചു പോന്നവള്‍ ആണ്  ഞാന്‍ ..ഈ കിട്ടുന്ന കാശിന്‍റെ പകുതി അയാള്കുള്ളതാണ്.എന്റെ ഭര്‍ത്താവിന്.കുടിച്ച മദ്യത്തിന്റെ കെട്ട് വിട്ടു പോകുന്ന പോലെ തോന്നി വിനോദിന് .ഇത് പോലെയുള്ള പ്രവര്തികളിലേക്ക് എന്നെ പോലുള്ള് പെണ്‍കുട്ടികളെ തിരഞ്ഞെടുക്കുന്ന പരീക്ഷ ആയിരുന്നു ആ പ്രണയം എന്ന് തിരിച്ചറിയാന്‍ ഞാന്‍ വൈകി  പോയി ..കരച്ചിലിന്റെ വക്കില്‍ എത്തിയ അവളോട്‌ എന്ത് പറയണം എന്നറിയാതെ അവന്‍ ഇരുന്നു ..

സാര്‍ ..അവന്‍ ഒന്നും പറഞ്ഞില്ല ..ഈ ജീവിതം തന്നെ എനിക്ക് മടുത്തു .ഒരു രക്ഷപെടല്‍ അതിനു വേണ്ടി ആണ് ഞാന്‍ ഇപ്പോള്‍ ശ്രമിക്കുനത് .കുറച്ചു കാശ് കൂടി ആയാല്‍ എല്ലാം ശരി ആകും ..സാര്‍ വിവാഹം ചെയ്യാന്‍
പോകുന്ന  കുട്ടി എന്തൊക്കെ സ്വപ്നങ്ങള്‍ കണ്ടിരിക്കുനുണ്ടാവും ഇപ്പോള്‍ ..അവളെ ചതികരുത് ..ഇപ്പൊ പറഞ്ഞതെല്ലാം ഞാന്‍ ഇത് വരെ ആരോടും പറഞ്ഞിട്ടില്ല ആരും കേള്‍ക്കാനും സമയം കളഞ്ഞിടില്ല.ഒരു വേശ്യക്ക്  എന്ത് സങ്കടം അല്ലെ സാറേ ?അവള്‍ ചിരിച്ചു .

എങ്ങനെ ഉണ്ടായിരുന്നു ? ബഷീറും തോമസും ഒരേ സ്വരത്തില്‍ ചോദിച്ചു ..വിനോദ് ഒന്നും പറഞ്ഞില്ല ..വല്ലാത്ത ക്ഷീണം ഞാന്‍ ഒന്ന് കിടക്കട്ടെ ..നിനക്കൊക്കെ എങ്ങനെ അവളോട്‌ ഒക്കെ ഇങ്ങനെ ചെയ്യാന്‍ തോന്നുന്നു ..അവളുടെ കഥ കേട്ടപ്പോള്‍ എന്‍റെ മനസ് തന്നെ തകര്‍ന്നു പോയി ..എന്ത് കഥ ?ബഷീര്‍ ചോദിച്ചു ..അവളെ ഈ പണിക്കു വിടുന്നത് തന്നെ അവളുടെ ഭര്‍ത്താവ് ആണെന്ന് ..നിങ്ങള്‍ എന്താ ചിരിക്കുനത് .വിനോദ് ചോദിച്ചു .എന്ത് ഭര്‍ത്താവ് നിനക്ക് വല്ല വട്ടുമുണ്ടോ അവള്‍ പറയുന്നത് കെട്ട് സങ്കട പെടാന്‍ ..അവള്‍ ഭയങ്കര fraud
  ആണ് ..ഞങ്ങള്‍ക്ക് അവളെ അറിയില്ലേ ഇങ്ങനെ ഒക്കെ പറഞ്ഞു അവള്‍ പലരുടെയും കയ്യില്‍  നിന്ന് കാശ് അടിച്ചിട്ടുണ്ട് ..നീ വല്ലതും കൊടുത്തോ ?എത്ര കാശ് കിട്ടിയാലും അവള്‍ക്കു ആര്‍ത്തി തീരില്ല .
ഇല്ല... ഞാന്‍ ഒന്നും കൊടുത്തില്ല വിനോദ് പറഞ്ഞു ..നന്നായി ..എന്തായാലും നീ കാര്യങ്ങള്‍ പഠിച്ചല്ലോ അതെങ്കിലും നടന്നല്ലോ ..ഞാന്‍ അവള്‍ക്കു കാശ് കൊടുത്തു വിടട്ടെ ..തോമസ്‌ പുറത്തേക്കു പോയി .

രാവിലെ പോകാന്‍ ആയി ഇറങ്ങിയപ്പോള്‍ ആണ് പേഴ്സ് തപ്പി നോക്കുനത് ..ഒരു നോട്ട് പോലും ഇല്ല .. കാശ് മുഴുവന്‍ അവളുടെ കയ്യില്‍ വച്ച് കൊടുക്കുമ്പോള്‍ മനസിലാകാന്‍ പറ്റിയില്ലല്ലോ ഞാന്‍ ചതിക്ക പെടുകയാണെന്ന്...ചേട്ടാ ..സ്റ്റോപ്പ്‌ എത്തി ഇറങ്ങുന്നില്ലേ ?കണ്ടക്ടര്‍ വാസുകുട്ടന്‍ വിനോദിനെ വിളിച്ചു എഴുനെല്പിച്ചു .മൂടല്‍ മഞ്ഞു പുതച്ചു കിടന്ന വഴിയിലൂടെ അവന്‍ വീട്ടിലേക്കു നടന്നു ..



                                                                                       ദിനില്‍ നായര്‍

No comments:

Post a Comment